تبلیغات
Haraylarım - توتقونلوق حیکایه سی
پنجشنبه هفتم بهمن 1389

توتقونلوق حیکایه سی

   نوشته شده توسط: haray    

 

سن گئچمیشده گؤمدویوم بیر توتقونلوق حیکایه سی سن!

اوستونو باسیردیغیم بیر رسیم کیمی

دولاشیق جیزگی لر، قاریشیق رنگ لرله

اسکی بیر تابلو اوزه رینده...

سنه باخاندا الیمله گؤزومه کؤلگه سالیب باخیرام

تااا اوزاق لارا...

سن، دومان بوروموش بیر ماهال کیمی سن!

گزیب، دولانمیشام سنده،

تله سیب، قاچارکن ده، 

داش لارین توخونموشدو آیاق لاریما،یادیما گلن...

سن،داش لارینلا یادیما دوشن ماهال کیمی سن!

...

سنی جیزگی لرله چکیب، رنگی قاتسامدا،

ماهالیندا گزیب، دولانمیش اولسامدا،

سن، ساده جه بیر توتقونلوق حیکایه سی سن...