تبلیغات
Haraylarım - ...
پنجشنبه هفتم بهمن 1389

...

   نوشته شده توسط: haray    

اوتورموش سنین سوچ لارینی

بارماق لاریم سایینا

یئر ائتمه یه چالیشیرام!...

ایلک بارماقیم قالخدی،

سوچو بللنسین دئیه...

اما، ائله جه دورموش دوراسی،

آسیلی قالمیش...

سوچ یازیلمادی آدینا!...

اوتوردو،

دیبینده کی اؤزونو محاکمه یه حاضیرلامیش کیمی...

قالخدی آیاغا...

اوزونه باخدیم اونون،

اوزوله ، اوزوله ...

نه سوچو وارکی یازیق بارماقین؟!

"اوتور ،

سنده سوچسوز موشسان!..."

دئدیم...

بارماق لاریم هامیسی سوچسوز بولوندو،

هامیسی اوتوردو...

بیر سورو گؤرونور گؤزلرینده...

بیز نه سوچ ایشله دیک دئیه؟!

هئچ نه تاپانمادیم جوابلارینا،

باشیم آشاغا قالدی،

گؤزلریم یئره دالدی...

باشیمی دبرتدیم"هئچ" علامتینه!...

...

بارماق لاریم اوتوردو هامی...

...

سوچ بولونمادی آدینا یازماغا سنین،

دونوب قالدیم اوردا...

...

اویسا، سن ندن اؤلدون؟!

بولونمادی بو سورویا جواب!...

بو جوابسیز سورونو توپراقدان سوروش بیرده...

"من، ندن اؤلدوم دییه؟!..."

 

(اورمو اوچاغیندا سوچسوز وطنداش لاریما اتحاف...)