تبلیغات
Haraylarım - سن...(ال یازیسی)
چهارشنبه پنجم خرداد 1389

سن...(ال یازیسی)

   نوشته شده توسط: haray    

سنی دوشوندوکجه بوشالیرام,

                                        

  یونگول له شیرم...


سانکی اورگیمدن بیر بویوک آغیرلیق قالدیریرسان.


بیلیرسن؟!


                   سن قورتولوشو,


                          قورتولوش ایسه سنی سالیر یادیما...


سانکی ایشیق دولو بیر یول گؤستریرسن منه...


بیر یول کی، اورادا یاشاییش جالاییبلار.


                  و هاوا سانکی دیریلیک قوخور,


                        دامارلاریمدا یئنیدن وارلیق قانی جوشا گلیر...


بو یولدا آددیم گوتوردوکجه


                      اورگیمین آغریلاری


                                         بیر - بیر دینله نیرلر.


وسنی یادیما سالدیقجا گوج آلیرام...


بیلیرسن؟!


سن منه یئنی بیر دونیا,


                      یئنی بیر یاشاییش گؤستریرسن...


سنله گؤردویوم دنیادا,انسانلار اؤلومسوزدولر...


                           اؤلمک یاشاییش دادی وئریر...!


دئدیم کی!


                   سن قورتولوشو یادیما سالیرسان!!!


بو دویغونو چوخ زامان اولار دادمامیشدیم...


یاشاییش دویغوسون یئنیدن منه داددیردیغین اوچون,


ساغ اول...!


                     سن ساغ اول


                                      قوی منده وار اولوب,


                                                               یاشاییم...!