تبلیغات
Haraylarım - سلام دار آغاجی
جمعه یازدهم تیر 1389

سلام دار آغاجی

   نوشته شده توسط: haray    

سلام دار آغاجی!            
 
سلام دار آغاجی!

          بیر باخ...

                       قارشیندا دیم - دیک دوران منم!

                                         تانیماییرسان یوخسا؟!

منیم قانیمداندیر

      سنین سویوق قوینوندا

                           آچیق گؤزلری

                                    آچیلماماسینا قاپانانلار...

                                     سویوق تورپاقا ساریلانلار...

نئجه قیییدین

        ایگیتلیک قانی ایله دولان دامارلاری

                                                        سیخماغا!...

                             سنین ایپین چورومزمی؟!

                             بویون بوکولمزمی هئچ؟!

سنه دانیشیرام...

                 آنالارین

                           "بالام وای"

                                سسی
 
                                     قولاق لارینی ائشیتمز ائله ییب یوخسا؟!...

بوکولمز بوی لاری بوکدون!

             سنین ده بویون بوکولر بیر گون...!

                            قویلارام آغاجینی,ایپینی...

                                          بیر داها دیکلنمه یه سن دئیه!...

تورپاغیم سنی قارشیلاماغا صبیرسیزدیر...

                                                  سنی گؤزله ییر

                                                                      دار آغاجی...!